İqtisadi İslahatların Təhlili və Kommunikasiya Mərkəzinin (İİTKM) "Enterprise Azerbaijan" portalının formalaşdırdığı təcrübə, geniş beynəlxalq əməkdaşlıq şəbəkəsi və qlobal tərəfdaşlıq imkanları əsasında "Innovation Ecosystem Quality and Startup Investment Opportunities in Emerging Economies: Evidence from a Cross-Country Survey" adlı beynəlxalq elmi tədqiqata start verilib.

Tədqiqatın məqsədi inkişaf etməkdə olan ölkələrdə innovasiya ekosisteminin keyfiyyətinin startapların investisiya cəlbetmə potensialına, süni intellekt texnologiyalarından istifadəsinə, beynəlxalq bazarlara çıxış imkanlarına və ümumi inkişaf perspektivlərinə təsirini ölkələrarası müqayisəli təhlil əsasında qiymətləndirməkdir.

Araşdırmanın nəticələrinin beynəlxalq elmi nəşrlərin hazırlanmasına, analitik hesabatların işlənib hazırlanmasına və innovasiya siyasətinin təkmilləşdirilməsi istiqamətində tövsiyələrin formalaşdırılmasına töhfə verəcəyi gözlənilir.

Tədqiqat çərçivəsində 20-dən çox ölkədən startap təsisçilərinin, investorların, akselerator və inkubator nümayəndələrinin, universitet və tədqiqat müəssisələrinin, texnologiya şirkətlərinin, dövlət qurumlarının və innovasiya ekosisteminin digər iştirakçılarının sorğuda iştirakı nəzərdə tutulur.

Sorğuda iştirak etmək istəyən şəxslər aşağıdakı keçid vasitəsilə anketi doldura bilərlər:

https://forms.gle/xRc2Pv52QEXZCyCn9

Sorğuda iştirak innovasiya ekosisteminin mövcud vəziyyətinin daha obyektiv qiymətləndirilməsinə, mövcud çağırış və imkanların müəyyənləşdirilməsinə, eləcə də gələcək siyasət və inkişaf istiqamətlərinin formalaşdırılmasına mühüm töhfə verəcək.