İqtisadi İslahatların Təhlili və Kommunikasiya Mərkəzinin icraçı direktorunun müavini, iqtisad elmləri doktoru Ramil Hüseyn Bakı Dövlət Universitetində "Yaşıl enerji dəhlizləri; Azərbaycanın strateji baxışı" mövzusunda çıxış edib.

Universitetin Beynəlxalq münasibətlər və iqtisadiyyat fakültəsinin İqtisadiyyat kafedrasının təşkilatçılığı ilə keçirilən elmi seminarda Ramil Hüseyn bildirib ki, “Azərbaycan 2030: sosial-iqtisadi inkişafa dair Milli Prioritetlər”də respublikamızın “yaşıl artım” ölkəsinə çevrilməsi və bu çərçivədə yaşıl enerjiyə keçidin dəstəklənməsi, bərpa olunan enerji mənbələrindən istifadənin artırılması məsələləri əksini tapıb. Azərbaycanda 2030-cu ilə qədər 6 GW, 2032-ci ilə qədər isə 8 GW gücündə yaşıl enerji gücünün yardılması hədəflənir. O qeyd edib ki, Azərbaycanda istehsal olunacaq "yaşıl enerji"nin “Xəzər-Qara dəniz-Avropa”, “Azərbaycan-Türkiyə-Avropa”, “Azərbaycan-Gürcüstan-Türkiyə-Avropa” enerji dəhlizləri vasitəsilə ixrac edilməsi istiqamətində iş aparılır.

Seminarda iştirakçılar tərəfindən ünvanlanan suallar cavablandırılıb, elmi əsaslandırmalar və aktual iqtisadi tendensiyalar kontekstində geniş fikir mübadiləsi aparılıb.